يا ساكنة في قلبي وفعينى
يا عمري الجاي وسنينى
يا قمري وضي لعيونى
يا ضحكه قلبى وهمومى
يا زهرة الهوى الدافى
عيونك بحر الليل الصافى
رميت قلعى ومجدافى
وقلت الموج يرسينى
على ايدك تودينى
لاحلى زهره فعيونى
يا ملاكي وكل دنيايا
يا نجم عشقته في سمايا
يا روحي وعمري ومنايا
يا وهمى وعقلى وجنونى
وحشتيني
دا قلبي دقته باسمك
وحلمي رسمته كان رسمك
ياللي فى جمالك وفي حسنك
عمر الحياة ما تورينى
وحشتينى
بحبك أيوه مش خايف
وغيرك فعيني مش شايف
يا أحلى بسمة وشفايف
بحبك موت ومش خايف
وحشتنى نظره عيونك
ووحشنى شكلك ولونك
وحشنى قلبك الصافى
وحشنى همسك الدافى
وحشنى الورد وازهاره
وحشنى البدر وانواره
انادى لك وحشتينى
واغنى لك وحشتينى
وبكل المعانى يا نور عينى
هل أعجبك الموضوع ؟
مواضيع مشابهة :
ليست هناك تعليقات:
إرسال تعليق