يا تاريخ اكتب وقيد اكتب حكاية كل شهيد
اكتبلى قصة جرجس وسيد وحنى وخالد سعيد
وشباب كان عايش مقيد بقيد مصنوع من الحديد
وشاب كان نفسه يعيد بعيد الثورة المجيد
كان عايز يبنى ويشيد ويعيش فى بلده حر سعيد
اسمه فى الجنّة هناك مقيــــــــد ومكتوب قدامه مات شهيــــــد
كل العالم بيهنونا على اللى انتوا حققتوه
كنتو رجال وشرفتونا والعالم كله علمتوه
من نوم عميق صحيتونا وشفنا بعينا اللى عملتوه
وقفتوا ضد اللى هانونا وروعوا الآمن وضربوه
وخدو فلوسنا وسرقونا وفقروا الشعب وجوعوه
بنو قصور وشردونا والفقير فى الشارع رموه
لبسوا حرير وعرونا حتى الرغيف كمان قسموه
من أى كلام خوفونا حتى صوتنا زوروه
هما دول اللى هانونا عز والعدلى وجمال وأبوه
انتوا عملتو الثورة الصغرى قضيتوا على الظلم والفساد
عايزين منكوا الثورة الكبرى عايزينكوا تقضوا على الكساد
مصانع بلادنا اللى نهبــــوها ترجع تانى زى زمان
هما صحيح خربوها نخليها أحسن مما كان
نرجع الأراضى اللى سرقوها من أى واحد مهما كان
ونمسح اليفط اللى كتبوها مستشفى حسنى مبارك وسوزان
ونكتب أسماء اللى حرروها وفقدوا حياتهم فى الميدان
عايزين ثورة على الأخــلاق اللى جدت والله علينا
تشتغلوا فى حب ووفـــــــاق ونظف بلادنا بأدينا
عايزين نبعد عن النفــــــاق اللى ياما منه عانينا
والحمد لله الجو أهــــو راق وهنراعى بلدنا بعنينا
هل أعجبك الموضوع ؟
مواضيع مشابهة :
ليست هناك تعليقات:
إرسال تعليق