ياللي بنيت الهرم لو قلت فين الكرم بسأل علي دارك
ياللي بنيت الهرم لا نسيت في يوم الوفا ولا خوف في يوم زارك
الظلم لف الكون جه عند بابك يوم قالك بعلو الصوت
لا معاك حتنفع شدة ولا عاد حينفع لين
ياللي بنيت الهرم مين اللي زيك مين
ياللي بنيت الهرم حجرك في إيدك يقولك
عايزني سد اكون لك ولا ف قلعتك بنيان
ولا عايزني اكون لك للذكريات خزان
ياللي بنيت الهرم علمك فوق أرض طابا بيعزف في السما ألحان
غنوة فنارك علي راس القنال ألوان
ورمل سينا يشدك قوم يابن بلدي ده حبك ملو الفؤاد والعين
ياللي بنيت الهرم مين اللي زيك مين
النيل يجيلك ثاير علي كل البلاد غضبان
ييجي عند بابك يقولك ياللي سدك عالي في سما أسوان
لو قلت هدي حهدي ولو قلت عدي حعدي
لكن يا ريت ترسم لي بالخطا عنوان ..
أروح علي رمل سينا ولا علي التبين
ياللي بنيت الهرم .. مين اللي زيك مين
لو كنت سبتلنا رسالة مكناش نخلف ليك وعيد
مكناش هنشوف فلسطين بتتهان
مكناش هنتفرج على اخواتنا فى فيلم كان إخراجه الأمريكان
مكناش هنلاقى عسكرى اسرائيلى رافع سلاحة على طفل غلبان
مكناش هنقول انجدو اخواتنا يا حكام
ونقف نتابع المسلسل ونشوف فين ابطال زمان
وافتكر ايامك واقول
يالى بنيت الهرم نلاقى زيك فين
ازاى نشوف اخواتنا فى بلادهم متهانين
وايه الى هيحصل طول محنا واقفين
هل أعجبك الموضوع ؟
مواضيع مشابهة :
ليست هناك تعليقات:
إرسال تعليق